Life, theatre, roles, responsibilites and all

Jindagi k is theatre me dekho chal rahi hai ek movie
Background music bhi hai ye mast thoda sa soft thoda groovy
Har shaksh paiadish k baad se har part apna hai nibha raha
Kiya gaya hai tay uska manjil andha wo chalta hi ja raha
Khamoshi hai sanson me aur dekho dhadkan bhi stabdh hain
Peele peele hothon me khile bol bhi kuchh nishabd hain
Lemme complete this poem dude varna cue kahin kho jayega
Dimag me chal rahi jo halchal kahin aur ghum ho jayega
Kyun rehte hain khamosh sada fir bhi yeh kitna kehte hain
Hothon pe lekar hasi ye log kyun julm ko sehte rehte hain
Kho gayi hai wo aawaj kahin jise subhash ne kabhi lalkara tha,
Hindustan me jeeta ek sikandar par jeetkar bhi wo hara tha
Pareshan hain with trivial matters n change ur country ki mang hai,
Chhote gadhdhon se darne wale lagana chahte uncha chhalang hain,
Kuchh kar dikhane ki chah hai bas aur chah hi wo reh jate hai,
Dimag aur dil k cross connection me himmat juta nahi pate hain,
Kisi aur ko kyun ho dekh rahe tum bhi culprits me shamil ho,
Jhanko khudme, analyse karo, ehsas karo khudke dil ko,
Ambitions, dreams n realty me kyun khud hi confuse ho jate ho?
Dinbhar to sochte rehte ho boss itna time kahan se pate ho?
Dete rehte sabko suggestion khud bhi kabhi to amal karo,
Dusron ko darane ki soch rahe, khud bhi to kabhi khud se hi daro,
What am I doing right now n why am I just doing it?
Just give a thought to lines above n let ur ignited minds be lit,
Kuchh naya karo, kuchh bhala karo apne roles ab khud hi likho,
Badlo kismat ki lakeeron ko, socho tum kam, karna seekho.
Jeevan k theatre me chalte hue movie ki disha ko badlo tum,
Don’t let your ideas go dull, pehchan kabhi hone na do ghum.