A poem in tribute to falsehood

This poem is written as a tribute to all the falsehoods i have faced till date in my life:

Jhut kehte hain is duniya me ye log,
Jhuti ummeedon ko jagate hain yeh log,
Kisi baat ko saaf saaf nahi kehte,
Aur is dil ko jalate hain yeh log.

Jhuton ka silsila shuru to ho jata hai,
Jhut se jhut ka sath nibhate hain yeh log,
Fark nahi padta kisi k ehsaas ka,
Bas is dil ko jalate hain yeh log.

Apne ko apno se chheen lete hain,
Dusron ko apna banane me yeh log,
Aur jis din sach ka ehsaaas ho jata hai,
Sirf is dil ko jalate hain yeh log.

Seekh kar bhi seekhne nahi dete,
Jhuton ka sahara fir de dete hain yeh log,
Fir ek din sach ko karke nanga,
Haan is dil ko jalate hain yeh log